Illius exercitationes stilisticae

[Christophorus]

in personis describendis nobis termino "proficisci" uti licere arbitror

[ille ego qui]

salvete,
gratias vobis.
cum igitur de raedis (longis) utimur semper videtur posse adhiberi vox avehendi - sive de vectoribus sive de auriga sive de vehiculo
valete.

[ille ego qui]

iterum "Sucht", "Abhaengigkeit" (v. supra)
----------------------------------------
salvete iterum,

velim mihi dicatis, num serviendi quoque et parendi verba vobis apta videantur ad illam rem Latine denotandam?
"suechtig, abhaengig sein von etwas" = alicui rei servire / parere // alicuius rei (ab-)usui servire / parere.
fortassis sic quoque licet dicere: "eheu! nescioquomodo interretis servitio teneor. iam cogito psychologum consulere"

valete.

p.s. hic (http://www.culturaclasica.com/lingualat ... morgan.pdf) talia offeruntur:
"alicuius rei insane cupidus" ...

[ille ego qui]

his, quas attuli, verbis "Sucht" Latine reddi posse dicatis an negetis ...?

[Zythophilus]

Fortasse "insana cupidine alicuius rei sicut morbo teneri". Placetne?

[ille ego qui]

placent - quamvis multa - verba!
quid autem sentis de meo "servitio"?

[Zythophilus]

SALVE
"Seruitium" quoque placet. Licetne de "cupidine et seruitio" loqui? Et in morbo et in seruitio aliquid contra uoluntatem fieri apparet. Quid censes, amice?
VALE

[ille ego qui]

perplacet!
iam aliud quaero:

"(einen Hund) ausfuehren, gassi fuehren"
---------------------------------------
estne verbum Latinum, quo hanc rem exprimamus? mihi in mentem venit verbum pascendi, quod tamen de cane adhibitum ad risum movendum aptius videtur ... deinde cogito de "agendo" ...? vos quid suadetis? solebantne Romani tale quid facere?

sit vobis faustus dies ac felix!

[consus]

Illam rem caninam, mi amice, pluribus verbis explicandam esse censeo:

- canem foras educere, ut alvum vesicamque exoneret
- foris cum cane ambulare, ut alvum vesicamque exoneret
- cani foris facultatem dare ad alvum vesicamque exonerandam / ad cacandum / ad mingendum
- ... ... ...

[ille ego qui]

"einzeln, eigens" + "automatisch"
-------------------------
modo aliquid ex sodale quaerens de computatro haud bene sciebam, quomodo dicerem! velim igitur me iuvetis! hoc autem fuit quaerendum:
"sag mal, muss man den Bildschirm EINZELN einschalten oder geht er AUTOMATISCH an?"
"cedo sitne album (visificum) ...?... accendendum an ...?...* accenditur?"
quid sentitis? ad hoc - sc. "automatisch" - significandum mihi venit in mentem: "ultro" sive "sua sponte"? istucine quadrat?

curate ut valeatis!


* id est: cum computatro; accenso computatro

[Zythophilus]

"automatisch" ultro uel per se. Si attinet ad res, quibus mens non est, "sponte sua" non dixeris. Id saltem ego aptum non esse existimo.

[ille ego qui]

salvete,
primum omnium gratias tibi ago, Zythophile!
quid autem censetis de "einzeln"?
singillatim? discretim? ...? an omittam?
bene valete

[ille ego qui]

salvete sodales optimi!
vix credo, inaudita res! nemo enim vestrum audet quicquam proferre de verbo "einzeln".
age, iam aliud pono:

"neigen"
---------
estne verbum proprium Latinum, quo hanc vocem reddamus, quae est "dazu neigen, etwas zu tun". e.g.: "er neigt dazu, zu viel zu trinken". aut: "brot neigt dazu, schnell zu schimmeln"?
an necesse est verbo "solendi" adhiberi?

bene valete
ille

[consus]

Salve, Ille!

Haec tibi velim proponere:

den Bildschirm einzeln einschalten] singillatim unumquodque quadrum in usum recipere

neigen ... ] cf. Georges s. v. Neigung.

Brot neigt dazu, schnell zu schimmeln] Panis facillime situ corrumpitur.

[Tiberis]

equidem dicere ausim : separatim
> quadrum separatim (a computatro) in usum recipere