Abhinc ... annos

[ille ego qui]

Ignoscatis mihi, quod legem huius fori violavi, cum Germanice scripsi.

[marcus03]

Ermanus Carolus Hesse Theodisco-Helveticus scriptor, poeta, pictor nascitur Calwae (Loci Calvi).
Obiit a.d. V Id. Aug. anno MCMLXII Montagnolae in Helvetia.
Innotuit libris, qui inscribuntur SIDDHARTHA, DER STEPPENWOLF, DEMIAN,
DAS GLASPERLENSPIEL, NARZIß und Goldmund.
Anno MCMXLVI ei litterarum praemium tributum est Nobelianum,
anno MCMLIV insigne POUR LE MERITE litterarum et artium.

Patientia res est difficillima et unica, quam operae pretii est discere.
Natura omnis, auctus omnis, pax omnis, proventus omnis et omne pulchrum
posita sunt in patientia, tempore indiget, indiget silentio, fiducia indiget.

Mundum perspicere fuerit res magnorum virorum ingeni acris.
Mea tantum interest mundum amare posse, eum et me et omnes naturae
amore et reverentia comtemplari posse.

Id stude, ut vera cognita in res mutes veras
ea ab aliis non exigens, sed exigens a te ipso!

Pulchritudine non beatur ille, cui est,
sed, qui eam amare et adorare potest.

Noli desiderare doctrinam perfectam,
sed id stude, ut te reddas perfectum ipse!

Beatitudo est amor, nulla res alia. Qui amare potest, est beatus.

Poscimus, ut aliquid esse debeat, ad quod nati simus.
Vita tantum continet eius, quod se facit dignam, ut vivatur, quantum
ei dare possumus.

Nihil est, cui pretium insit nisi cogitatio, secundam quam vivimus.

Homo quisque amabilis, si sibi revera loqui permittatur.

Ex rebus omnibus, quas non natura homini dedit dono,
sed quas ex mente sua propria creavit, gravissimae sunt,
quae ad libros pertinent.

[marcus03]

Imperator Constantinus Magnus decretum edit, quo Solis diem
omni in imperio Romano diem quietis communis agendum curat.
Ad omne operandi genus pertinet re agraria excepta.

[Zythophilus]

Morte Leo rapitur Romanus papa secundus,

quem doctum Siculi progenuere boni.

[marcus03]

Marie Skłodowska Curie physica et chemica Polona obit in oppido Passy.
Nata est Maria Salomea Skłodowskaa.d. VII Id. Nov. MDCCCLXVII Varsaviae,
quae urbs tum imperi Russici erat.

Lutetiam emigravit, ubi physicae et mathematicae studium suscepit atque Petrum Curie,
virum doctum, in matrimonium duxit.
Una cum marito elementa nova, Polonium et Radium, investigavit,
cui operi primum praemium Nobelianum physicae, deinde chemiae tributum est.
Prima femina fuit, quae in Universitate Sorbonnensi disciplinas physicas docuit
et bis praemium Nobelianum adepta est.

Anno MCMXXXIV, quia radiis diu exposita erat, Maria Curie diem supremum obiit,
sed eius opera scientifica etiam nunc plurimi aestimantur.
Cancro perisse dicitur, quo sanguis eius capta erat quique radiis materiae effectus erat,
qua usa erat suis in experimentis.

Ita somnia,ut vita tibi pulchra videatur, et quod somniasti in res converte veras!

Quod intellegere didiceris, non iam timebis.

In natura investiganda de rebus agitur nec de hominibus.

[Zythophilus]

Ascanium rapiunt Danorum moenia doctum,

cui mons ac lapides et placuere ferae.

[Zythophilus]

Clemens papa iubet Iudaeis parcere ciues,

sed non uult populus sobria uerba sequi.

[marcus03]

Isaac Newton physicus, astronomus, mathematicus Britannus profert opus magnum,
quod inscribitur "Philosophiae Naturalis Principia Mathematica"

Homines plus exstruunt murorum, faciunt parum pontium.

In natura investiganda nos omnes infantium instar sumus, qui in scientia extrema
interdum silicem tollimus, dum ignoti mari patet ante oculos nostros.

O physica, me serva a metaphysica!

Duas res didici mea in vita: me esse peccatorem magnum et Christum esse salvatorem etiam maiorem.

Plato mihi est amico cum Aristotele, sed mihi amicissima est veritas.

Qui penitus non meditatur, in Deum non credit, qui quidem recte meditatur,
in Deum credat necesse est.

Homini bono et generoso non solum proximum amare officium est sacrum,
sed etiam misericordia uti erga creaturas ratione non praeditas.

[Zythophilus]

Rex patre defuncto Richardus sceptra recepit,

sed patriae fines uix uidet inde suae.

[marcus03]

KI-Übersetzung:
Richard empfing das Zepter, als sein Vater verschied,
Doch seiner Heimat Grenzen er kaum danach noch sieht.

Richard bestieg den Thron, als sein Vater verstarb,
Doch sein Land sah ihn selten, seit er die Krone erwarb.

Kaum war Papa beerdigt, griff Richard nach der Macht,
Dann hat er sich vom Acker ganz königlich gemacht.

[marcus03]

Gustavus Mahler componista Austriacus nascitur in Bohemia.
Obiit a.d. LXIV Kal. Iun. anno MCMXI Vindobonae.
Inter aetatis Romanticae exeuntis habetur componistas et praefectos musicos gravissimos.
Quem et theatrum musicum reformasse constat.

Nullos amo homines nisi qui modum excedant.
Non curo, qui minus audeant.

In Austria quisque est id, quod non est.

Multum interest interest inter voluptates et voluptatem.
Ego utique raro delector iis, quae dicuntur voluptates.

Symphonia quidem mihi vult hoc ipsum: omnibus opibus usum technicae ad mundum exstruendum

Homo concedo omnia, nihil concedo artifex.

Austria terra est mira: mortuum esse necesse est, ut cives te vivere sinant

[marcus03]

Bertrand Russell philosophus et mathematicus Britannus cum X aliis naturae investigandae peritis
profert documentum, quod Einstein-Russell-Manifestum appellatur, in quo agitur de armis atomicis
adhibendis et iis, quae eorum usum sequantur.

Haec sunt argumenta collata:

Genus humanum cognoscat armis atomicis adhibendis non solum urbes exstinctum iri,
sed etiam se in periculo fore, ne esse desinat totum.

Gradus magni momenti primus eo continetur, quod copiae armorum nuclearium valde minuantur
ad controversias, quae inter nationes aguntur, minuendas.

Controversiae internationales sunt dissolvendae more pacifico.

Nulla re alia fieri potest, ut genus humanum permaneat, nisi studio deliberandi, quomodo
controversias sine ullis armis componi possint.

Russell:

His diebus deliberandum est, quomodo generi humano persuadeatur, ut consentiat
se provivere velle.

[Zythophilus]

Est Pragae coeptus Carolo pons rege iubente

et ducens homines trans fluuium stat adhuc.

[Tiberis]

Qui scrutatus erat montes et saxa, geologus Otto
Ampferer excessit. Qui primus habetur in orbe,
montanam molem qui promotam esse docebat.

[marcus03]

In pugna ad Dyrrhachium contra Pompeium facta Iulius Caesar cladem accipit.
Cuius legiones paene perierunt omnes.
Uno mense post Pompeium a Caesare ad Pharsalum devictum esse constat.

“Navigare necesse est, vivere non necesse! / "Πλεῖν ἀνάγκη, ζῆν οὐκ ἀνάγκη."