Illius exercitationes stilisticae

[ille ego qui]

placet.

[ille ego qui]

"viel Freude/Spaß/Vergnügen (...)"
------------------------------------
nonne hoc umquam Romani alius alii exoptaverunt?

valete.

[consus]

O di immortales! Innumerabiles videntur esse modi quibus hoc votum exprimi possit!

Te iuvet! Vos iuvet! Insatiabile te opto gaudium compleat! Liquidissima vos opto voluptate perfundamini! In laetitiam insolitam vos opto coniciamini!

Et alia eiusdem generis permulta... ... ...

[ille ego qui]

gratias tibi ago, mi Conse! certe illud votum innumeris modis exprimi potest. mirabar tamen non esse unam formulam eamque brevem reliquis crebriorem, ut apud nos ... vale

[ille ego qui]

"Entwicklung"
-------------
salvete, doctissimi amici!
quomodo hoc Latine reddere possis: "psychologen beschäftigen sich unter anderem auch mit der entwicklung des menschen / der menschlichen psyche" (id quod dicimus "entwicklungspsychologie").
gratissimum mihi feceritis, si quid idoneum proposueritis!
curate ut valeatis!

[consus]

Salve, Ille!
Verbis utendum videtur esse. Ne longum faciam, oro te perpendas haec exempla: Psychologi inter alia inquirunt, quomodo / qua ratione anima humana adolescat / crescat / progrediatur… // quos progressus hominis anima faciat in vita…

[ille ego qui]

salve, mi Conse!
benigne necnon optime mones! liceat mihi verbis a te propositis haec apponere: mutari, maturescere, ...
siquis igitur omni modo substantivis uti voluerit, ex talibus eligere possit: progressus, incrementum, (mutatio) ..., quibus quin verba (sc. temporalia) longe praeferenda sint, quis dubitet?
aliquomodo autem in dubium vocare ausim, num verbum animae ad nostram rem aptum sit (siquidem Ciceronem exprimere volumus). nonne enim - apud Arpinatem - verbum animae aliter atque animi ad unum spiritum atque vitam (quae non est nisi in spiritu) attinet?
valeas.

[consus]

Consus Illi s. p. d.
Quod ad vocem animae pertinet, ita quidem videtur esse ut scribis (Nonius nescio quo loco: animus est quo sapimus, anima qua vivimus), sed oro te legas etiam Cic. nat. 1, 87: "Numquam vidi ... animam rationis consilique participem in ulla alia nisi humana figura". Nonne quaerendum est, quid voce illa Theodisca "Seele" nostris temporibus, scilicet apud psychologos, significetur?
Vale.

[ille ego qui]

"nirgendwohin"
--------------
estne verum, quod mihi videtur, nullum verbum Latinum huic nostro verbo respondere?
oportetne igitur dici "nullum ad locum", "non quoquam" ...?
valete!

[ille ego qui]

tacendo consentitis?

[consus]

Salve, Ille!
nirgendwohin] Nonne aptius tibi videtur esse "nullum in locum"? Sed placet et "nusquam": Cic. Att. 5, 21,3: "cum Pompeius propter metum rerum novarum nusquam dimittatur". Verbo dimittendi motus significatur, quare etiam "nusquam abire" etc.
Quam iucundissimum tibi exopto diem Solis.

[ille ego qui]

benigne!
nunc video in Georgesiano quaerendum fuisse non sub voce "nirgendwohin", sed "nirgendshin"
sit et tibi Solis dies faustissimus.

[ille ego qui]

"aller-" + comp.
---------------
salvete lumina litterarum!
ecce hanc sententiolam exempli gratia fictam:
"Marcus hat von allen die meisten Bücher gelesen" = "M. ist von allen derjenige, der die meisten Bücher gelesen hat".
possimne sic vertere: Marcus omnium / ex omnibus is est, qui plurimos libros legerit (legit?)
(quae nescioquomodo mira mihi videtur translatio ... nusquam tale quid apud Latinos legisse mihi videor ...)
vos igitur quid suadetis? (nescio an necesse sit dici: nemo Marco plures libros legit.)
bene valete!

[Tiberis]

salve, Christiane!

equidem haec dicere ausim:

a) Marcus longe plurimos libros legit.
b) nemo est, qui plus librorum legerit quam Marcus.

[Zythophilus]

SALVETE
Propono: Tot libros Marcus legit quot nemo.