Illius exercitationes stilisticae

[ille ego qui]

de "sensu orientationis", quem prave dicimus
---------------------------------------------
nescio an haec res mirissima inventionem atque studium vestrum magis motura sit: quomodo talia more Ciceroniano dicere possimus:
"nunc ubi sumus?" - "prorsus nescio. nullum enim habeo ORIENTIERUNGSSINN"
"...?" - "incertus sum. primum oportet me MICH ORIENTIEREN"
"...?" - "ignoro, DIE ORIENTIERUNG amisi"
et alia huius generis ...

oreretur perturbatio

certe!
inde Valahfridus Stroh proponit, ut vocales longas supra singulos versus, longas syllabas infra significemus!

[consus]

Placet quidem, amice, sed nulla alia de causa nisi ut ii qui Latine discunt versus recte pronuntient.

[ThomasVulpius]

salvete, amici.
mihi quidem non displicent istae significationes. scribentem enim ipsum exercent, legentes autem ad dimensionum studium excitare possunt (ita ut liber didascalicus ille aureus, qui inscribitur "Lingua Latina per se illustrata", ubi non modo in vocabulorum elenchis, verum etiam in fabulis nulla vocalis longitudo non indicatur).
assentior tamen vehementissime Conso nostro, qui monet ut dimensiones aut ubique aus nusquam significentur. memento enim, spectatissime Vulpi, praenominis mei i esse longam!
valete.

Recte mones, di artis stilisticae.
Nam i longa est in verbo Graeco "chriein".

Vale!
Thômâs tuus

[ThomasVulpius]

Placet quidem, amice, sed nulla alia de causa nisi ut ii qui Latine discunt versus recte pronuntient.

Difficultas non est in versibus heroicis prônûntiandis, sed in Latîne loquendo. Qua in arte versantes saepe in vôcum dîmênsiônibus errâmus.

[ThomasVulpius]

[quote="ille ego qui"]de "sensu orientationis", quem prave dicimus
---------------------------------------------
nescio an haec res mirissima inventionem atque studium vestrum magis motura sit: quomodo talia more Ciceroniano dicere possimus:
"nunc ubi sumus?" - "prorsus nescio. nullum enim habeo ORIENTIERUNGSSINN"
"...?" - "incertus sum. primum oportet me MICH ORIENTIEREN"
"...?" - "ignoro, DIE ORIENTIERUNG amisi"
et alia huius generis ...

Salve, Chrîstiâne!

Sicut meus est mos, circumscriptiones Ciceronianas prôpônô:
"Ich weiß noch nicht, was ich studieren soll. Ich muss mich erst mal orientieren."
"Cui disciplînae studeam, nôndum scio. Oportet enim me ante rescîscere, quae res mihi apta sit."

[Zythophilus]

"Orientierungssinn"
Quod attinet ad loca, haec uerba apta uidentur: "Locorum naturam non perspicio."

[ille ego qui]

placet!
fortasse etiam: "ad vias inveniendas (parum) habilem / idoneum esse" et alia huius generis ...

valete.

[ille ego qui]

"zum wie vielten Male"
------------------------
quomodo hoc Latine dici potest, amici?

quot? unus, duo, tres ...
quotiens? semel, bis, ter ...
quotus? primus, secundus (alter), tertius ...
...? primum, iterum, tertium ...

valete

[ille ego qui]

timebam, ne non exstaret haec notio! quid hoc est rei?

[consus]

Oro te, amice, orationis proponas contextum, quo facilius responsa tibi reddere possimus.

[ille ego qui]

salve Conse
libenter tibi bene monenti morem geram
ecce: " [Zum wie vielten Male] nunc Romae es? - Nisi memoria me fallit, quartum ... "
num nihil superest nisi ut sic circumloquamur: "quotiens ante ...?"
an licet fingere ad analogian: "quotum?" - quod quidem nusquam inveni.
ut supra delineavi, ad singula numerorum genera quaerenda praesto sunt singula verba interrogativa:
ad cardinalia spectat 'quot', ad ordinalia 'quotus', ad multiplicativa 'quotiens'. sed deesse videtur verbum, quo illa adverbia, quae sunt "primum", "iterum", "tertium" eqs., quaerantur.
o mancam Latinitatem ...
hoc quidem omitto, distributiva quoque (singuli, bini, terni eqs.) carere suo interrogativo. id enim interrogativo cardinali facilius puto compensari: "QUOT nummos singuli acceperunt? - QUADRAGENOS."
feliciter! vale. valete omnes.

[Tiberis]

equidem linguam Latinam tali vocabulo (scil. "zum wievielten male") carere puto. ergo verbis mutatis nobis est interrogandum, e.g. : quota tibi Romae est mora? - tertia. (aut: tertium Romae versor.)

[consus]

Assentior Tiberi nostro. Ut alterum proferam exemplum:

"Quotum nunc ipsum Romam fecisti iter, amice?" - "Nisi ratio me fallit, octavum."

[ille ego qui]

"ausschließen"
----------------
salvete sodales,
aliam rem, amabo, mihi enodate! quomodo enim talia Latine redduntur?:
"es kann nicht hundertprozentig ausgeschlossen werden, dass es morgen regnet."
"der Professor schloss aus, dass "Aetna" der Feder Vergils entstamme"
et alia ...

praeterea:

"nicht wissen, ob"
-----------------
sumite in exemplum hanc sententiolam:
"ich weiß nicht, ob Herr Meyer ein guter Lehrer ist."
namque "nescio an" potius idem atque "fortasse" valere videtur nec non significare rem esse veri similiorem. quid vobis videtur?


bene valete.

[consus]

Salve, amice!
ausschließen] (Nonne verbum est quod lingua Theodisca "Modewort" appellatur?)
Latine: sine ulla dubitatione (dubitatione sublata, sine dubio, pro certo, asseveranter...) negare + aliquid vel a.c.i.
nicht wissen, ob] (prorsus) nescire, num.