Illius exercitationes stilisticae

[ille ego qui]

ad "Sucht"
-----------
(qua in quaestione me haerere neque defungi cernitis )
alia enim mihi occurrerunt:
* indulgere alicui rei
* indulgenter alicui rei deditum esse
(v. Georgesium s.v. "spielsüchtig": aleae indulgens. ecce!)
valete.

[ille ego qui]

addendum:
"Schäufala" est deminutivum eius verbi Germanici, quod sibi vult palam sibi vatillum ("Schaufel"), idem tamen - quod dixi - et animalis armum et suffraginem ("Bug").
valete.

[ille ego qui]

"Tipp"
-----
en novam rem, sodales!
quomodo Latine dici potest: "Soll ich euch einen Tipp geben?" (v. aenigma metricum in "foro Latino" positum)
valete.

[ille ego qui]

"nachschlagen"
--------------
... etiam aliam! quomodo enim - quod est exemplum - dicitur: "das Wort 'knusprig' nachschlagen"
bene valeatis.

[Tiberis]

salve!

equidem verbo Theodisco "nachschlagen" plura significari censeo:
a) vocabulum (ignotum) in vocabulario quaerere
b) locum certum in libro quodam quaerere aut evolvere aut revolvere
c) Horatium evolvere ("bei H. nachschlagen") aut, si denuo id fiat, Horatium repetere

obiter dictum: quod attinet ad aenigma "metricum" abs te positum, nonne metrum ipsum nobis est inveniendum?

[ille ego qui]

salve Tiberis,
gratias tibi ago. de eo potissimus intellectu cogitabam, de quo in loco (a) egisti.

locum certum in libro quodam quaerere aut evolvere aut revolvere

fitne frequentius, ut verba evolvendi et revolvendi non ad integros libros, sed ad certos quosdam locos spectent?

obiter dictum: quod attinet ad aenigma "metricum" abs te positum, nonne metrum ipsum nobis est inveniendum?

parum intellego, quid dicas. velim, nisi molestum fuerit, aliis verbis repetas!

vale.
ille

[Tiberis]

cui autem qui versus antiquus subsit, quis dicet primus?

abs te quaesivi, mi optime Christiane, metrumne ipsum inveniamus an certa verba versus antiqui.

[ThomasVulpius]

"Tipp"
-----
en novam rem, sodales!
quomodo Latine dici potest: "Soll ich euch einen Tipp geben?" (v. aenigma metricum in "foro Latino" positum)
valete.

Me circumscriptionibus Ciceronianis libenter ûtî scîs, Christiane.
Prôpônô igitur:
"Vultisne vôbîs suâdeam, ...?" (quomodo hoc Latine dici possit; quo in pantôpolio televistra minimi pretii veneant; quâ viâ ad eam urbem celerrime pervenîre possîtis)

[ille ego qui]

ad "Tipp":
difficillima videtur res!
mihi quidem in mentem venit: "quid si leviter adumbrando vos propius ad solutionem adducam?"

valete.

[ille ego qui]

"Vultisne vôbîs suâdeam, ...?" (quomodo hoc Latine dici possit; quo in pantôpolio televistra minimi pretii veneant; quâ viâ ad eam urbem celerrime pervenîre possîtis)

salve Vulpi,
tat! rectissime mones. non satis respexi duas vires nostro verbo "Tipp" suiectas esse.
- quarum altera est suasionis vel consilii,
- altera autem, quae mihi imprimis ante oculos versabatur, significationis vel adumbrationis cuiusdam levis, qua alios - quod dixi - propius ad quaestionis sive aenigmatis solutionem adducamus.
valeas.

[consus]

Obiter dictum…

pantôpolio

Aut pantopôliô (παντοπωλεῖον) aut pantopolio… (aut ubique aut nusquam). Equidem notas istas syllabarum quantitates significantes hoc loco nemini placere puto nisi imperioso magistro…

[ille ego qui]

salvete, amici.
mihi quidem non displicent istae significationes. scribentem enim ipsum exercent, legentes autem ad dimensionum studium excitare possunt (ita ut liber didascalicus ille aureus, qui inscribitur "Lingua Latina per se illustrata", ubi non modo in vocabulorum elenchis, verum etiam in fabulis nulla vocalis longitudo non indicatur).
assentior tamen vehementissime Conso nostro, qui monet ut dimensiones aut ubique aus nusquam significentur. memento enim, spectatissime Vulpi, praenominis mei i esse longam!
valete.

[ille ego qui]

παντοπωλεῖον

Latine pantopôlium an pantopôlîum?

[consus]

Salve, Ille!
pantopôlium] cf. Liddell-Scott s.v. παντοπῶλιον. Apud Plautum (Rud. 529) legitur thermopôlium < θερμοπῶλιον.

[consus]

Addendum.

...notas istas syllabarum quantitates significantes...

Nuntio meo retracto intellexi paullo diligentius me scribere oportuisse: ...notas istas syllabarum natura longarum quantitates significantes... Si enim syllabis quoque positione longis istae notae apponerentur, magna, quod ad recte pronuntiandum pertinet, oreretur perturbatio.